CERITA LUCU PAPUA

Simon de mo bikin Kopi tapi trada Gula jadi de ke Obet pu rumah minta Gula...

Pas sampe di Obet pu rumah Simon bilang Sama Obet...

Simon : Kawan...Minta Ko pu Gula sedikit kah...??

Obet : Iyo..Ko masuk baru ambil di Toples yang ada didapur sana...

Simon masuk lihat,tapi Toples yang ada didapur itu Tulisan Garam saja jadi de balik kedepan tanya sama Obet...

Simon : Kawan...Kam Pu Gula di Toples yang Mana...?? Soalnya cuma Toples  tulisan Garam saja yang ada didapur..!!

Sambil Senyum Pepsodent Obet jawab...

Obet : Ah...Toples yang itu sudah...!! Sa memang Sengaja Tulis Garam di Toples Gula itu untuk

PAKE TIPU-TIPU SEMUT DONG...

Hahahahaeee....# Semut dan Simon dapa Tipu dlu....#

CERITA LUCU PAPUA MOB

Obet de dapat suruh jaga de pu Adik yang masih kecil,karena de pu Mama lagi sementara Masak didapur...

Obet nih de paling malas skali jaga de pu Adik ini,karena de pu Adik nih paling Nakal skali... Pokoknya Nakal luar Binatang...

Pas lagi sementara jaga...De pu Adik pegang Remote Televisi dan toki di Obet pu Kepala... Obet Emosi langsung pukul de pu Adik pu tanggan...

De pu Adik Bongkar Menangis kuat2 sdh Moh.... Karena dengar de pu Adik Menangis kuat2 jadi de pu Mama yang lagi sementara Masak langsung Batariak dari dapur...

Mama : Obet...!! Obet...!! Ko bikin apa sampe Adik de Menangis...??

Karena takut dapa hajar dari de pu Mama...Obet langsung bilang sama de pu Mama...

Obet : Ah...Sa tra bikin apa2 Mama....!! Tra tau nih,Adik de Main2 sendiri baru de tra Sengaja GIGIT DE PU TELINGA...!!!

Hahahahaeee....# Telinga Dilidah jadi bisa eh...#